|
Jaalle Calasow Gudoomiyaha SUKAO oo cadeeyay inay isaga baxeen NGOSOM |
 |
 |
 |
|
Written by Yusuf
|
|
Sunday, 28 February 2010 09:57 |
|
Wareysiga Abdirisaq Abdulle Calasow
Guddoomiyaha Kooxda SUKAO Norway
 Dhageyso Wareysiga Guddoomiye Abdirisaq Calasow
NB:NGOSOM Sirta burburisay waxaa weeye in Lolow kooxdiisii Waabari ka doortey inuu dhaqaale ka helo musuqmaasuqa halka Diini oo jecel inuu Gudoomiye maqaarsaar ah sii ahaado.
Lolow waxa u si gardaro ah EuroSom uga saarey Kooxaha kale ah Bermingham, Liecester, halka Diini kooxda Waabari ganaax been ah ku soo rooday halka uu waxbo ka qaban waayay inuu gacan ku dhiiglayaashii dhaawacyada u gaystey wiilashii Waabari.
C/raxmaan Shardi macalinka kooxda Waabari oo aan qadka telefoonka ku wada hadalnay ayaa isheegay inay dacwad u gudbinayaan Dowlada Ingiriiska si dhaawacyadii loo gaystey dhalinyaradii Waabari dadkii gaystey in sharciga la horkeeno, tasoo walaac ku abuurtey maamulka NGOSOM oo laga yaabo in xabsiyada loo taxaabo.
W/D:YUSUF YUSUF TORONTO Waxaa wareysi dheer Somaliweek siiyay Abdirisaq Abdulle Calasow oo ah guddoomiyaha kooxda SUKAO ee ka dhisan magaalada Oslo dalka Norway oo ka mid ahaan jiray kooxaha ka qeyb gala cayaaraha xiliiga kuleelaha ay qabtaan urur weynaha EUROSOM,haddana sheegay in ay isaga baxeen EUROSOM
Guddoomiye Abdurisaq calasow wuxuu ugu horeyntii si guud uga waramay kooxda SUKAO iyo heerarkii kala duwaa ay soo martay,dadkii ka soo shaqeeyay,wuxuu kaloo ka waramay in markii hore ay ka cayaari jireen dhinaca SUEKI ka dibna ay u soo wareegen EUROSOM ka dib markii ay aad uga helaan maamul wanaaga iyo soo dhaweynta weyn ay u fidiyaan kooxaha dhinacooda ka cayaara iyo madaxdoodaba
Guddoomiye Calasow wuxuu aad uga dayriyay xoghaya ururka EUROSOM Mudane Loolow oo uu sheegay in sababta ay go’aanka u qaateen in ay isaga baxaan EUROSOM ay tahay asaga dartiis taas oo uu ku miceenyay cadaaladaro isa soo tareysay oo mar walba soo baxaysay ,wuxuu kaloo guddoomiye Calasow sheegay in laba sano oo isku xigta in ay la soo daaheen lacagtii laga rabay in ay bixiyaan ka dibna go’aanka noqday in hal sano la ganaaxo kooxda SUKAO ,macalinkoodii Muuse Jabuutina laga mabnuuco gabi ahaanba cayaaraha EUROSOM,iyadoo ay jirtay in kooxo badan oo aan haba yaraatee laga qaadin lacagta iyo kooxo aan dhowr sano ka soo qeyb galin ay si caadi ah uga qeyb galaan cayaaraha EUROSOM
Guddoomiya Abdirisaq Calasow wuxuu sheegay in hadda ay waan waan socoto oo ay filayaan kooxdooda SUKAO ay u wareegaan dhinaca urur weynaha SUEKI ayna rajo weyn ka qabaan in waan waantaas lagu guuleysan doono haddii Allah idmo
Ugu dambeyntii guddoomiye Calasow wuxuu kala dardaarmay EUROSOM haddii ay dhaqankooda wax ka badali waayaan in kooxaha wali ku haray dhinacooda ay mari doonaan halka ay SUKAO martay ,wuxuu kaloo Calasow la dardaarmay kooxaha ka cayaara EUROSOM in ay indha furaan oo foojignaan weyni muujiyeen
Hadaba Somaliweek waxay ku isku dayi doontaa bal in ay dhageysato dhinaca urur weynaha EUROSOM waxa ka jira eedeynta uga timid maamulka SUKAO
Mohyadin Jama
somaliweek
Toronto
|
